يا نجمة الصبح ذا دربي مسافاته
جيتك من الليل يا نجم الصبح ساري
جيتك عذاب الزمن ,, جيتك معاناته
جيتك على البال مدري جيتك الطاري
جيتك سهر ,, يشتكي من كثر طعناته
مدري أنا جيت نوم من السهر عاري
جيتك صدى الصمت ,, لا ,, جيتك عباراته
إقراء كلام العيون وتعرف أخباري
جيتك سؤال ٍ مُحير ؟! وين اجاباته
جيتك جواب السؤال ان كنت مو داري
جيتك ترى انسان داري عن خساراته
ومهما خسر ,, للوفاء والود هو شاري
الجسم ناحل ,, وجرح الحب مأساته
ما عاد بي حيل يقوى جملة أشعاري
بأصبر وهذا الزمن يا شين صكاته
وبأصبّر النفس (( يا نفسي ذي أقداري ))
يا نجم جيتك غريب ٍ ما لقى ذاته
وينه ! يا نجم الصبح بأحكي له أعذاري
لولا الرضا ما زعل ما شفت ضحكاته !!
ولولا الزمن ما مضى ما جيت لك ساري
الإثنين سبتمبر 10, 2007 4:59 am
